Description
تفصیل
لوہے کی مختلف اشیاء بنانے والے اور تَپتے ہوئے سیّال لوہے کو بھٹّی سے نکال کر مختلف سانچوں میں ڈھال کر نِت نئی شکلیں دینے والے فنکار کو "لوہار" یا "آہَن گَر" کہا جاتا ہے۔
اس مقصد کے لئے ایک لوہار چھوٹے پیمانے پر دستی دھونکنی کے ذریعے لوہے کو موڑنے اور اشیاء کو مختلف اَشکال دینے کا کام بھی سرانجام دیتا ہے جس میں نٹ بولٹ، کَٹر، چھینی، ہتھوڑا اور بے شمار اوزاروں کا استعمال کرتا ہے۔
لیکن یہی کام جب بڑے پیمانے پر کیا جاتا ہے تو ایک بڑی بَھٹّی کی مدد لی جاتی ہے اور بے شُمار نِت نئے فرموں کی مدد سے لوہے کی مختلف اشیاء تیار کی جاتی ہیں۔ آہن گری کے کارخانوں میں بے شمار ماہرین اور کاری گر اپنے فن کے نمونے پیش کرتے ہیں۔