ماچین و چیں چتارے چھنداں چیں تھے ہارئیے
نج ہار کے کندن تھے سولیایا ہے مال عید
(قلی قطب شاہ)
|
جلد پن تیرے ترنگ کا ہور کھرگ جھلکار تج
عشق کے میداں منے جھمکائے جولاں عید کا
(قلی قطب شاہ)
|
عید کا چاند ہوئے نام ہی سن جاہ کا تم
دیکھیں اب اور کوئی روز میں کیا بھاگ لگے
(قائم)
|
تمہیں تو عید ہے دن اور شب برات رات
ہم اپنی آہ کے یاں داغتے ہیں چہکے آپ
(محب)
|
کیا کسوت زمیں نو روز پھولاں کو نپلیاں سیتی
او کسوت طرح دیکھ ہوتے لجاں ہم عید و ہم نو روز
(قلی قطب شاہ)
|
خالی میں تو کیا نکلے گا مہتاب کا ڈولا
جب عید ہی کے چاند کے اندر نہ نکالا
(جان صاحب)
|