Description
تفصیل
نارنجی رنگ عربی اسمِ مُذکر " نارنج" سے اخذ کیا گیا ہے ، نارنج کا مطلب"سنگترہ" کا ہے یعنی نارنجی رنگ سنگترے(سَنترے) کے رنگ کو کہا جاتا ہے۔یہ سُرخی مائل زرد رنگ ہوتا ہے۔
عام طور پرسُرخ اور پیلے رنگ کو ملانے سے نارنجی رنگ کو تیار کیا جاتا ہے۔
شمالی افریقہ کے سب سے بڑے دریا کا نام "اورنج ریور" ہے ، جسے اُردو زبان میں " دریائے نارنگ" بھی کہا جاتا ہے۔
نیدر لینڈ کی قومی فٹبال ٹیم "اورنج "کہلاتی ہے۔
عیسائیوں کے پروٹیسٹنٹ فرقے کی ایک تنظیم کا نام "اورنج انسٹیٹیوشن" ہے جس کے ارکان (Orange Men) کہلاتے ہیں۔
یوکرین میں نارنجی جمہوری تحریک( Orange Democratic Movement) نے احتجاج کاایک سلسلہ شروع کیا جسے "نارنجی انقلاب" کا نام دیا گیا۔اسی طرح امریکہ نے جنگوں کے لیے ایک منصوبہ بندی کی جس کا نام وار پلان اورنج(War Plan Orange)رکھا گیا۔ امریکہ نے ویت نام میں انتہائی خطرناک نباتات کُش دوائیں استعمال کیں، جس کے لیے انہوں نے "ایجنٹ اورنج" کی خفیہ اصطلاح استعمال کی ۔
