ثابت مسور یا "ملکہ مسور" دال کی ایک بہترین قسم ہے اور جو جھاڑی نُما پودے پر اُگتی ہے جو سال بعد فصل دیتا ہے۔ اس دال کے دانوں کی شکل عدسے سے ملتی جلتی ہے۔ اس کا پودا 40سینٹی میٹر (16اِنچ) تک لمبا ہوتا ہے اور دال کے دانے چھلکوں کے اندر ہوتے ہیں۔ عام طور پر ہر چھلکے میں دو دانے ہوتے ہیں۔ اس میں چربی کم ہوتی ہے لیکن پروٹین اور فائبرز زیادہ ہوتے ہیں۔ثابت مسور کی قسموں میں ملکہ مسور زیادہ مشور ہے جسے ہندُستان کے کچھ علاقوں میں "کھڑا مسور" بھی کہا جاتا ہے،اسے زیادہ تر سادہ اُبلے چاولوں کے ساتھ کھایا جاتا ہے۔ ملکہ مسورکی دال خشک حالت میںطرح گلابی ہوتی ہے اور جب کھانے کے لئے پکائی جاتی ہے تو زردی مائل رنگت کی ہوجاتی ہے۔ یہ دال دوسری دالوں کے مقابلے میں جلدی گل جاتی ہے۔ اس کی یخنی اور آب جوش (Purries) بھی تیار کیے جاتے ہیں جو کمزور افراد یا مریضوں کو طاقت کے لیے استعمال کرایا جاتا ہے۔