نیل بیری کا درخت پُھول دار ہوتا ہے اور اس کی بیری کا رنگ گہرا نیلا ہوتا ہے اور یہ دائمی درخت ہے ۔ عام طور پر یہ درخت سیدھا کھڑا ہوا ہوتا ہے مگر کبھی کبھار یہ لیٹی ہوئی جھاڑی کی شکل میں بھی ہوتا ہے جس کی اونچائی 10 سینٹی میٹر (3.9 انچ) سے لے کر 4 میٹر (160 انچ) تک ہوتی ہے۔ اس کے پھول گھنٹی سے مشابہ ہوتے ہیں اور ان کا رنگ سفید ‘ ہلکا گلابی یا لال ہوتا ہے۔ بعض اوقات یہ سبز بھی ہوتے ہیں۔ اس کا پھل بیری طرح ہے جس کا قطر 5-16 ملی میٹر (0.20-0.63 انچ) تک ہوتا ہے اور اس کے اوپر چمکدار تاج ہوتا ہے۔ اس کا پھل پہلے ہلکا سبز ہوتا ہے اور پھر سرخی مائل اودا ہوتا ہے اور آخر میں جب یہ پک جاتا ہے تو اس کا رنگ گہرا نیلا ہوجاتا ہے۔ نیل بیری کی جھاڑی پر پھل آنے کا موسم مئی سے اگست تک ہے۔