یہ بیماری ایک خاص قسم کی پھپھوندی کے انفیکشن کی وجہ سے ہوتی ہے۔ یہ پھپھوندی جِلد کے اندر سرائیت کرجاتی ہے اور پھر گول چھلّوں جیسے نشان پڑجاتے ہیں جن میں شدید کُھجلی یا خارش ہوتی ہے اور کُھجانے سے یہ چھلّے بڑے ہوجاتے ہیں۔ داد جِلد کی سوزشی بیماری ہے۔ شروع میں جِلد سُرخ ہوجاتی ہے، چھوٹی چھوٹی پُھنسیاں نمودار ہوتی ہیں جو بعد میں پُھوٹ جاتی ہیں اور کھرنڈ بن جاتا ہے۔ ان کی شکل گول ہوجاتی ہے اور کنارے اُبھرے ہوئے ہوتے ہیں۔ ان میں خارش ہوتی ہے زیادہ کھجلانے سے یہ زخم میں تبدیل ہوجاتی ہیں۔