ایلزائمر بھولنے کی بیماری ڈیمنشیا(Dementia) کی سب سے بڑی قسم ہے۔ ایلزائمر ایک بتدریج بڑھنے والی بیماری ہے جس میں دماغ کے مخصوص خلیے مرنا شروع ہو جاتے ہیں اور دوبارہ نئے خلیوں میں تبدیل نہیں ہوتے جس کی وجہ سے یادداشت، سوچنے اور طرز عمل کی صلاحیتیں متاثر ہوتی ہیں۔ رفتہ رفتہ حافظہ بالکل جواب دے جاتا ہے یہاں تک کہ مریض اپنا، اپنے گھروالوں، اپنے بچوں کے نام اور ان کی شکل بھی بھول جاتا ہے ۔ مریض اچانک غصّے میں آجاتا ہے اور رونا شروع کر دیتا ہے۔ یہ بیماری عموماً پچاس سے ساٹھ سال کے بعد نمو دار ہوتی ہے۔