گھیگا حلق پر اس ابھار یا سوجن کو کہتے ہیں جو تھائرائڈ (Thyroid)نامی غدود کے بڑھ جانے سے پیدا ہوتی ہے زیادہ تر گھیگا غذا میں آئیوڈین کی کمی سے پیدا ہوتے ہیں۔ حاملہ عورت کی خوراک میں اگر آیوڈین کی کمی ہو تو بچہ ذہنی طور پر سُست اور بہرا پیدا ہوسکتا ہے۔ گھیگا ان پہاڑی علاقوں میں زیادہ ہوتا ہے جہاں مٹی ، پانی یا غذا میں آیوڈین کی کمی ہوتی ہے۔ اس کی کمی کو دور کرنے کے لئے آئیوڈین ملا نمک استعمال کرناچاہئے۔