Description
تفصیل
بونسائی گملوں میں چھوٹے چھوٹے درخت اُگانے کا جاپانی ثقافت کا ایک رُخ ہے۔ جاپانی روایات ہزاروں سال پرانی ہیں جس کی وجہ سے انہوں نے اپنے خاص جمالیاتی احساس اور اصطلاحات پیدا کر لی ہیں۔ بونسائی کی کاشت کے لئے جو تکنیک استعمال کی جاتی ہیں وہ یہ ہیں کہ اس کے قلم تراش کر لگائے جاتے ہیں، گملوں میں لگائے جاتے ہیں، پیوندکاری کے ذریعے اور پتّے جھڑنے سے بھی ان کے پودے اُگ آتے ہیں جو کچھ عرصے بعد بھرپور درخت کی شکل اختیار کر لیتے ہیں۔ دوسرے پودوں کی پیداوار کے مقاصد کے برعکس یہ غذائی استعمال کی غرض سے نہیں اُگایا جاتا نہ ہی کسی دوا کی تیاری میں اور نہ باڑھ لگانے میں۔ یہ درخت باغوں کی شکل میں بھی نہیں لگائے جاتے۔ اس کے بجائے بونسائی کا محور طویل مدّتی کاشت اور ایک یا ایک سے زیادہ درختوں کو کسی بھی گملے میں لگانے کا طریقہ ہے۔ دراصل بونسائی کسی نمونے کے پودے سے پیدا کیا جاتا ہے جسے حاصل کرنے کے لئے یا تو اُسے کہیں سے کاٹ لیا جاتا ہے یا پودا نکال لیا جاتا ہے یا کسی دوسری جگہ لگے ہوئے پودے کو اُکھاڑ کر لگا دیا جاتا ہے۔ بونسائی کا درخت کسی بھی لکڑی رکھنے والے دائمی تنے یا جھاڑی کے ملاپ سے پیدا کیا جا سکتا ہے جو گملے کے اندر پرورش پا سکتے ہوں۔ ان کی کچھ اقسام بونسائی خصوصیات کی وجہ سے بہت مقبول ہیں مثلاً ان کی چھوٹی پتّیاں جن کی وجہ سے یہ درخت ایک بھرپور چھوٹے درخت کا نظارہ پیش کرتے ہیں۔