Description
تفصیل
کیملیا پھول دار پودوں کی ایک قسم ہے جو Theaceae خاندان سے تعلق رکھتا ہے۔ یہ مشرقی اور جنوبی ایشیا میں پیدا ہوتا ہے۔ کیملیا سدا بہار اور چھوٹا درخت ہے جو 20 میٹر تک بلند ہوتا ہے۔ اس کے پتّے سادہ، موٹے اور آرے کی طرح دانے دار ہوتے ہیں جو عام طور پر چمکدار ہوتے ہیں اور یہ پتّے ایک دوسرے کے مدِمقابل نہیں ہوتے۔ کیمیلیا کے پھول عموماً بڑے اور جاذبِ نظر ہوتے ہیں۔ ان کا قطر ایک سے 12 سینٹی میٹر تک ہوتا ہے۔ اس پھول کی قدرتی انواع میں 5 سے 9 پنکھڑیاں ہوتی ہیں اور یہ پھول رنگ برنگے ہوتے ہیں جو سفید، گُلابی یا سُرخ ہوتے ہیں۔ مکمل پیلے رنگ کے پھول صرف جنوبی چین اور شمالی ویتنام میں پائے جاتے ہیں۔