Description
تفصیل
’’مغل ‘‘کی اصطلاح (مغول:فارسی) فارسی زبان سے لی گئی ہے جو دراصل ’’منگول‘‘ قوم سے متعلق ہے ،جو منگولیا کے علاقے جھیل بیکال /صحرائے گوبی کے بادیہ نشین تھے۔ یہ اصطلاح ’’مغل‘‘ پاکستان، ایران، افغانستان اور ہندُستان میں استعمال کی جاتی ہے۔ تاریخِ عامہ کے مطابق ان علاقوں میں آباد/ پائے جانے والے مغل دراصل منگول افواج میں شامل افراد کی نسلیں ہیں جو ان علاقوں پر قابض اور آباد ہوئے اور ان کی نسلیں یہاں پروان چڑھیں۔ جنوبی ایشیا (ہندُستان) میں ظہیرالدین محمد بابر، وہ پہلا حکمران تھا جس کا نسلی تعلق منگولوں سے تھا۔اس مغل خاندان نے تقریباً 300 سال تک ہندُستان پر حکومت کی جس میں بڑے بڑے نام وَر بادشاہ گزرے ہیں۔ اکبرِ اعظم (جلال الدین محمد اکبر) اور اورنگ زیب عالمگیر نے طویل عرصہ تک بڑے طمطراق کے ساتھ ہندُستان پر حکومت کی ۔ اورنگ زیب کی سلطنت رنگون سے لے کر تاشقند اور بلخ وبخارا وکابل سے لے کر راس امید تک پھیلی ہوئی تھی۔یہ سب ’’ مغل‘‘ حکم راں تھے۔