URDU encyclopedia

اردو انسائیکلوپیڈیا

search by category

قسم کے ذریعہ تلاش کریں

search by Word

لفظ کے ذریعہ تلاش کریں

عابد علی عابد ؔ ، سید

Description

تفصیل

26اگست 1906ء کو ڈیرہ اسمٰعیل خان(صوبہ سرحد) میں پیدا ہوئے اور 20 جنوری 1971ء انتقال کیا۔معروف پاکستانی اردو شاعر ، پنجاب یونیورسٹی سے فارسی میں ایم اے کیا۔بعد ازاں ،ایل ایل بی کی سند لی۔کچھ عرصہ گجرات میں وکالت کی پھر دیا ل سنگھ کالج ، لاہور میں لیکچرر مقرر ہوئے اور قیامِ پاکستان کے بعد پرنسپل کے عہدے پر فائز ہوئے ۔ادبی زندگی کا آغاز ماہنامہ ’’ادبی دنیا‘‘ کی ادارت سے کیا پھر اپنا ادبی مجلہ ’’ادبی دنیا ‘‘ جاری کیا۔شاعری میں ’’دبستانِ لکھنؤ‘‘ کے پیرو کار تھے۔اردو ، فارسی ، عربی کے علاوہ انگریزی اور سنسکرت میں بھی خاصی دسترس رکھتے تھے ۔غزل ، تنقید اور ڈراما ، تینوں میدانوں کے شہسوار تھے۔ تصانیف : شب نگار بنداں (شاعری) ۔ یدِ بیضا (شاعری) ۔ شعرِ اقبال ۔ انتقادِ ادبیات ۔ البدیع ، وغیرہ کلام : چاند ستاروں سے کیا پوچھوں ، کب دن میرے پھرتے ہیں وہ تو بیچارے خود ہیں بھکاری ڈیرے ڈیرے پھرتے ہیں جن گلیوں میں ہم نے سُکھ کی راتیں کاٹی تھیں ان گلیوں میں ویاکل ہوکر سانج سویرے پھرتے ہیں لوگ تو دامن سِی لیتے ہیں ، جیسے ہو جی لیتے ہیں عابدؔ ہم دیوانے ہیں جو بال بکھیرے پھرتے ہیں

Poetry

Pinterest Share