گوائی جان شیریں مثل فرہاد
اٹھاجس نے لیا بار محبت
(جہاں دار)
|
بیمار محبت نے لیا تیرے سنبھالا
لیکن وہ سنبھالے سے سنبھل جائے تو اچھا
(ذوق)
|
محبت درحقیقت ایک اندازِ پرستش ہے
محبت کا مزا جب ہے محبت غائبانہ ہو
(اکبر حیدری)
|
محبت کی پرتیت تم اب ڈبوئی
کرو گے کسو سے نہ کوئی نکوئی
(اظفری)
|
دن رات کا فرق ان کی محبت میں ہے اب تو
وعدہ تو کیا شام کا اور آئے سحر کو
(صابر)
|
عجب نہیں کوئی سرگشتہ محبت ہو
بگولا ایک پس گرد کارواں دیکھا
(صفی لکھنوی)
|