سجادہ نشین(مجاور)یا گدی نشین کسی بھی صوفی، شیخ یا پِیر کا جانشین ہوتا ہے جو اس کے اپنے خاندان یا اولاد میں سے ہوتا ہے یا اس کے حلقۂ ارادت کا فرد۔ یہ باقاعدہ اس گدی کا وارث بنتا ہے جو پیرصاحب یا شیخ صاحب سے خالی کی ہوتی ہے اور اسی مقام پر گنبد یا مزار کے نیچے کسی مقام، کھوہ یا قبر کے پاس بنائی گئی حجرہ میں ہوتی ہے جہاں ارادت مند آکر فیض یاب ہوتے ہیں۔ سجادہ نشین عموماً سالانہ عرس کا اہتمام نہایت طمطراق کے ساتھ کرتے ہیں اور عطیات وغیرہ بھی وصول کرتے ہیں۔ یہ اس مقبرہ، درگاہ یا مزار کا نگراں بھی ہوتا ہے ، ایسے شخص کو سجادہ نشین کہا جاتا ہے۔ ایسے افراد کی ایک کثیر تعداد پاکستان کے تقریباً ہر علاقہ میں پائی جاتی ہے۔