ادرک ایک قسم کی خوشبودار اور ہاضم جڑ جو خشک ہو کر سونٹھ بن جاتی ہے۔ ملیٹھی بھی کہلاتی ہے۔ Zingiberaceae خاندان سے تعلق رکھتی ہے۔ جنوبی ایشیا کے علاقے ادرک کا وطن ہیں اور پھر مشرقی افریقہ میں بڑے پیمانے پر کاشت کی گئی۔ ادرک کے فائدے صاحبِ ادراک ہی جان سکتے ہیں۔کھانوں کی لذت بڑھانے کے اپنے ہی انداز ہیں۔نہاری،قورمہ،سیخ کباب،بھُنے ہوئے قیمہ کے ساتھ ادرک لچھوں کی شکل میں ساتھ ساتھ کھائی جاتی ہے۔کھانوں کے اوپر کُتری ہوئی حالت میں چھڑکی جاتی ہے اور دوائوں کے ساتھ"مئے"(شراب) کی تیّاری میں بھی استعمال کی جاتی ہے۔ایک خاص قسم کی روٹی میں بھی استعمال ہوتی ہے اور اب تو جدید ترین میک اپ سرجری کے سلسلے میں ادرک سے خاص قسم کے کاسمیٹکس تیّار کیے جاتے ہیں جنہیں Pin Up کاسمیٹکس کہا جاتا ہے۔ اُردو مِثل ہے: " بندر کیا جانے ادرک کا سواد!" یعنی ناقدر انسان بھلا کسی قیمتی چیز کی قدر کیوں کر کرے گا؟ پہچاننے کو بھی تو ایک نظر چاہئیے۔