چھالیہ کا درخت کھجور کے درخت کے قبیلے سے تعلق رکھتا ہے۔ یہ زیادہ تر بحر الکاہل کے منطقۂ حارہ ‘ ایشیا اور مشرقی افریقہ کے علاقوں میں پیدا ہوتا ہے۔ یہ خیال کیا جاتا ہے کہ چھالیہ کا درخت ملائیشیا یا فلپائن کی پیداوار ہے۔ یہ درمیانی جسامت کا ایک دلکش درخت ہے جو سیدھا ہوتا ہے اور 20 میٹر بلندی تک بڑھتا ہے۔ اس کا تنا 10-15 سینٹی میٹر قطر کا ہوتا ہے۔ اس کے پتّے 1.5-2 میٹر لمبے پَروں کی مانند اور گچھوں کی شکل میں ہوتے ہیں۔ تجارتی طور پر اس کی کاشت اس کا بیج حاصل کرنے کے لئے کی جاتی ہے ۔ یہ بیج چھالیہ کہلاتا ہے اور بہت اہمیت کا حامل ہے۔