زیتون کا درخت سدا بہار درخت یا جھاڑی ہے اور یہ سمندر سے دور دراز علاقوں‘ ایشیا اور افریقہ میں پیدا ہوتا ہے۔ یہ چھوٹا اور پھیلا ہوا ہوتا ہے۔ بعض اوقات یہ 8-15 میٹر (26-49 فِٹ) سے تجاوز کر جاتا ہے۔ اس کے پتّے نقرئی سبز اور لمبوترے ہوتے ہیں۔ اس کا تنا ناہموار اور بل دار ہوتا ہے۔ اس کا پھل بھی زیتون کہلاتا ہے اور یہ زراعتی اعتبار سے سمندر سے دور دراز کے علاقوں میں بہت اہمیت کا حامل ہے کیونکہ اس سے زیتون کا تیل حاصل کیا جاتا ہے۔ اس کا پھل گھٹلی دار اور رس دار ہوتا ہے جو 1-2.5 سینٹی میٹر (0.39-0.98 انچ) تک لمبا، پتلا گودا رکھنے والا جنگلی پھل ہوتا ہے (اوپر بیان کی گئی تفصیلات جنگلی زیتون سے متعلق ہیں)۔ اس کے مقابلے میں پھلوں کے باغات میں لگائے جانے والے زیتون کے پھل جنگلی زیتون سے مختلف ہوتے ہیں۔ زیتون جب سبز سے اُودے ہوجاتے ہیں تو ان کو توڑ لیا جاتا ہے۔