مونگ پھلی کا پودا ایک ترکاری ہے جو جنوبی امریکہ میں پیدا ہوتا ہے مگر اب یہ دنیا بھر کے گرم ممالک میں پیدا کیا جانے لگا ہے۔ مونگ پھلی کا پودا تقریباً 60 سینٹی میٹر تک بڑھتا ہے۔ اس کے پھول چھوٹے ہوتے ہیں اور ان کا رنگ پیلا ہوتا ہے۔ پھولوں کی جسامت 1-2 سینٹی میٹر لمبی ہوتی ہے۔ اس کے پھولوں کے غنچے خودزرخیز ہوتے ہیں جو صرف آدھے دن تک رہتے ہیں۔ تقریباً چار دن کے بعد اس کے تنے سے کھونٹی نکلتی ہے جو peg کہلاتی ہے۔ اس کا سَر مٹی کے اندر سے پھوٹتا ہے۔ مونگ پھلی کے ہر تنے کے آخر میں اس کے بیج کی پھلی لگتی ہے (مونگ پھلی اس خول کے اندر ہوتی ہے)۔ مونگ پھلی سالانہ پودا ہے اور اس کے حیاتی مراحل (life cycle)ایک سال میں مکمل ہو جاتے ہیں۔