سنیر ڈرم میں کسی دھاتی کھوکھلے فریم(چوکٹھے) میں دونوں جانب کوئی سخت کھال یا پلاسٹک سختی سے منڈھی جاتی ہے۔ اس کے بالائی حصّے کو کسی لکڑی کی چھڑی سے بجایا جاتا ہے۔ اس کے زیریں حصّے کے گِرد تانت یا کوئی دھاتی تار جو پھندا کہلاتی ہے‘ سختی سے کھنچی ہوتی ہے۔ جب اس ڈرم کے بالائی حصّے پر ضرب لگائی جاتی ہے تو سنیر ڈرم ایک واضح بلند اور مسلسل آواز پیدا کرتا ہے جو اس کے زیریں حصّے کی جھلّی کے مرتعش ہونے کے باعث پیدا ہوتی ہے۔