زائیلو فون کا استعمال سازینہ میں پہلی مرتبہ تقریباً سو سال پہلے کیا گیا۔ زائیلو فون سُر پیدا کرنے والا آلۂ موسیقی ہے جو لکڑی کے لمبے ٹکڑوں کا بنا ہوتا ہے۔ لکڑی کے یہ ٹکڑے لمبائی میں اُفقی سطح پر ایک چوکھٹے میں درجہ بند ہوتے ہیں۔بلندو پست سُر پیدا کرنے والے یہ ٹکڑے بائیں طرف ہوتے ہیں اور کسی پیانو کے "کی بورڈ" (کلیدی تختہ) سے مشابہ ہوتے ہیں ۔ زائیلو فون بنیادی طور پر افریقی آلۂ موسیقی ہے ۔ زائیلوفون یونانی زبان کا لفظ ہے ، جس کے معنی ہیں ’’لکڑی کی آواز‘‘۔