رُباب سِتار سے مشابہ ایک آلۂ موسیقی ہے۔ یہ لکڑی کے دو ٹکروں کو جوڑ کر بنایا جاتا ہے ، پہلا حصہ عمودی اور دوسرا سارنگی کے نچلے حصے جیسا ہوتا ہے۔ نچلے حصے پر جو گول یا پیالے نما ہوتا ہے اُس کی اوپری سطح کو اونٹ یا کسی اور جانور کی جھلّی سے منڈھا جاتا ہے۔ یہ بنیادی طور پر افغانستان کا آلۂ موسیقی ہے لیکن اب یہ افغانستان سے نزدیک ممالک اور خاص طور پر پاکستان میں بھی استعمال کیا جاتا ہے۔رُباب وسط ایشیا میں مختلف اقسام اور اشکال میں پایا جاتا ہے ۔ رُباب کا زیادہ تر استعمال عموماً پشتون / پختون‘ تاجک‘ کشمیری اور ایرانی کُردش کلاسیکل موسیقار کرتے ہیں۔