گِٹار چھ تاروں پر مشتمل آلۂ موسیقی ہے۔ عام طور پر یہ انگلیوں پر نوکدار اُنگشتری پہن کر یا کسی چھوٹے دھاتی ٹکڑے کی مدد سے بجایا جاتا ہے۔ گِٹار کے تمام تار نچلے حصے سے اوپر کی جانب ایک بَلّی پر سے گزرتے ہوئے اوپر لگی ہوئی چابیوں میں پیوست کردیے جاتے ہیں اور پھر اُن چابیوں کو چلانے سے ان تاروں میں سے مختلف سُر خارج ہوتے ہیں۔ گِٹار کو روایتی لحاظ سے مختلف لکڑیوں سے بنایا جاتا ہے،مثلاشیشم کی لکڑی کا فریم یا دیودارکی لکڑی کا فریم وغیرہ جس پرکسی جانور کی اوجھڑی منڈھی ہوتی ہے۔ آج کل بنائے جانے والے گِٹاروں میں زیادہ تر نائیلون یااسٹیل کے تار استعمال کیے جاتے ہیں۔ صوتی گِٹار (Acoustic Guitars) اور اس جیسے دوسرے آلات کا جسم کھوکھلا ہوتا ہے اور یہ ہزاروں سال سے استعمال کیے جارہے ہیں۔ الیکٹرک گِٹار (برقی چھتارا) 1930 ء میں متعارف کرایا گیا۔ یہ ایمپلی فائر کی مدد سے چلتا ہے اور اس کے سُر برقی انداز ہونے کی وجہ سے بہترین خارج ہوتے ہیں۔