Word of the dayآج کا لفظ

Martello

کنج انزدا

MEANS: ملک کی حفاظت کے لئے ساحلی قلعہ بندی

معنی: گوشہِ تنہائی

Listen to Urdu Pronunciationالفاظ کے تلفظ سنئیے

Couplet of the day

آج کا شعر

Click on the below image to open up the complete image gallery. مکمل گیلری کو دیکھنے کے لئے نیچے دی گئی تصویر پر کلک کریں۔

Urdu Encyclopedia

اردو انسائیکلوپیڈیا

Panegyric قصیدہ

English WordPanegyric

Description

تفصیل

قصیدہ اصطلاح میں اس نظم کو کہتے ہیں جس میں کسی کی تعریف یا ہجو ہو یا وعظ و نصیحت یا شکایتِ روزگار کی جائے۔ ساخت کے اعتبار سے قصیدہ اور غزل میں صرف تعدادِ اشعار کا فرق ہوتا ہے ورنہ مطلع‘ مقطع‘ ردیف و قافیہ اور وزن کے لحاظ سے دونوں میں کوئی فرق نہیں ہوتا۔ قصیدہ کے اشعار کی تعداد مقرر نہیں ہے۔ پندرہ بیس اشعار سے لے کر سیکڑوں اشعار بھی اس میں ہوسکتے ہیں۔ غزل کے شروع میں متعدد مطلع یکے بعد دیگرے بھی ہوسکتے ہیں۔ مگر قصیدے کے شروع میں صرف ایک مطلع ہوتا ہے۔ بعض قصائد میں کئی مطلع ہوتے ہیں مگر ایک کے بعد دوسرا مطلع کئی اشعار کے بعد ہوتا ہے۔ جس قصیدے میں متعدد مطلع ہوتے ہیں۔ اسے’’ ذو المطالع‘‘ کہتے ہیں۔ قصیدہ کی دو قسمیں ہوتی ہیں: (١) تمہیدیہ (٢) خطابیہ قصیدے میں اصل مدح یا ہجو سے پہلے کچھ اشعار بطور تمہید کے ہوتے ہیں۔ اسے "تشبیب" بھی کہتے ہیں بلکہ یہی نام زیادہ رائج ہے۔ تمہید کے بعد اصل مدح یا ہجو شروع ہوتی ہے گویا جہاں تشبیب ختم ہوتی ہے اور مدح وغیرہ شروع ہواسے ’’گریز یا تخلیص‘‘ کہا جاتا ہے۔ گریز میں اس بات کا خیال ضروری ہے کہ اصل مطلب پر آنے کا معقول اشارا ہو۔ قصیدہ کی دوسری قسم کو خطابیہ کہتے ہیں۔ اس قسم کی قصیدے میں تمہید یا تشبیب نہیں ہوتی لہٰذا گریز بھی نہیں ہوتا۔ شروع ہی سے مدح یا ہجو وغیرہ یا اصل مطلب بیان کر دیا جاتا ہے۔ غزل کے برخلاف قصیدے کی زبان زوردار اور پُرتکلف ہوتی ہے۔ فصاحت و بلاغت اور متانت کے علاوہ ضائع لفظی و بدائع معنوی زیادہ استعمال ہوتی ہیں۔ الفاظ کا نرم و شیریں ہونا ضروری نہیں اور شاعر اپنے زور طبع اور علمی قابلیت کا بھرپور اظہار کرتا ہے۔ قصیدہ نگاری کو شاعر کا کمال سمجھا جاتا ہے۔ کہا جاتاہے کہ ’’جو شاعر قصیدہ نہیں لکھ سکتا اس کو شعراء میں شمار کرنا نہیں چاہیئے!" قدیم رومی شاعر "ورجل" قصیدے کا امام کہا جاتا ہے۔اُردو قصیدے کا امام " ذوق" اور "سودا" کو تسلیم کیا جاتا ہے۔مرزا رفیع سودا "ہجو کے امام " بھی ہیں۔

Shair Collection

اشعار کا مجموعہ

Compilation of top 20 hand-picked Urdu shayari on the most sought-after subjects and poets

انتہائی مطلوب مضامین اور شاعروں پر مشتمل 20 ہاتھ سے منتخب اردو شاعری کی تالیف

SEE FULL COLLECTIONمکمل کلیکشن دیکھیں
Pinterest Share