گول گپّے، چاٹ کی ایک خوبصورت شکل ہے۔ میدہ یا آٹے کی بیلی ہوئی باریک ٹِکیاں اس طرح تلی جاتی ہیں کہ پھول کر ٹینس کی گیند کی مانند ہو جاتی ہیں۔ اس کے ساتھ اُبلے ہوئے چھولے تھوڑی سی مقدار میں اور اُبلے ہوئے آلوؤں کے ٹکڑے ملاکر سونٹھ کا پانی خاصی مقدار میں مزید دو ایک چٹنیاں اور ہلکا سا دہی کا چھینٹا کھٹی میٹھی چٹنی کے ساتھ سجا کر دیا جاتا ہے۔ انتہائی ذوق و شوق کے ساتھ کھائے جاتے ہیں۔ سونٹھ کا پانی پیٹ کی بعض چھوٹی موٹی بیماریوں کے لئے مفید بھی ہے اور خوش ذائقہ بھی۔ مشرقی روایات کی مقبول ڈِش ہے جس پر روایتی گیت بھی لکھے گئے ہیں۔(وضاحت: "سونٹھ" سوکھی ہوئی ادرک ہوتی ہے)