مچھلی آلائش وغیرہ سے صاف کرکے اور کھپرے اُتار کر دھونے کے بعد روغن میں سالم تَلی جاتی ہے۔ بعض اوقات بھاپ دے کر بھی تیار کی جاتی ہے پھر اس میں حسبِ خواہش و ضرورت نمک مرچ یا گرم مسالہ لگاکر کھایا جاتا ہے۔ تقریباً ہر قسم کی مچھلی اسی انداز سے تیار کی جاسکتی ہے۔ گھروں میں لوگ عموماً پاپلیٹ مچھلی زیادہ پسند کرتے ہیں۔ ساری دنیا میں یہ ڈِش یکساں مقبول ہے۔ اسے روٹی، چاول کے ساتھ اور بغیر روٹی چاول کے بھی کھایا جاتا ہے۔