زیپلن ایک غیر لچک دار ایئرشپ ہے جو 20 ویں صدی کے شروع میں کاؤنٹ فرڈنینڈ وون زیپلن(Count Ferdinand von Zeppelin) نے بنایا۔ یہ اپنے ڈیزائن کے باعث غیر معمولی طور پر کامیاب رہا۔ زیپلن( zeppelin) کی اصطلاح عموماً تمام مضبوط اور غیر لچک دار ایئرشپ کے لئے استعمال کی جاتی ہے۔ یہ دیو ہیکل ایئر کرافٹ ہیں جو بطور مسافر بردار طیارے اور فوجی مقاصد دونوں میں استعمال کیے جاتے ہیں۔ پہلی جنگ عظیم سے پہلے DELAG (Deutsche Luftschiffahrts-AG) جو پہلی کمرشل ایئر لائن تسلیم کی جاتی ہے) اُس نے زیپلین جہازوں کی باقاعدہ پروازوں کا آغاز کیا۔ پہلی جنگِ عظیم کے دوران جرمن فوجوں نے بمباری ‘ مخبری اور جاسوسی کے لئے زیپلن طیاروں کا استعمال بڑے پیمانے پر کیا۔