کُھسّہ (جُوتا) کی تاریخ بہت قدیم ہے۔ برِصغیر کے قدیم باشندے جو اعلیٰ گھرانوں سے تعلق رکھتے تھے اسی جُوتے کو اعلٰی لباس کا حصّہ سمجھتے تھے۔ قدیم تصاویر میں بھی اسی جُوتے کی ملتی جلتی شکل دکھائی دیتی ہے۔ صرف مغلوں کے عروج کے دور میں اس کُھسّے سے ملتا جلتا ایک اور جُوتا دکھائی دیتا ہے جو سلیم شاہی کہلاتا ہے۔ اس قسم کے جُوتے میں ایڑی برائے نام ہوتی ہے۔ قدیم دور کے راجاؤں، سرداروں، فوجی سرداروں اور راجپوت بہادروں کی تصاویر میں بھی کُھسأ ہی دکھائی دیتا ہے۔ جدید دور میں اب یہ کُھسّہ، انڈیا میں راجپوتانہ اور پاکستان میں پنجاب، ملتان، بہاولپور کے علاقوں میں پایا جاتا ہے۔