Description
تفصیل
خواتین کا ایسا لبادہ جو قمیض یا فراک کے نیچے پہنا جاتا ہے۔ چونکہ خواتین کا لباس عموماً باریک کپڑوں سے بنا ہوتا ہے یا بعض اوقات جالی والے کپڑوں سے بھی قمیض ∕ فراکیں وغیرہ تیار ہوتے ہیں۔ اس کے علاوہ شیفون، ململ اور جارجٹ بھی استعمال کیے جاتے ہیں لہٰذا یا تو ایسے لباس کے نیچے استر لگایا جاتا ہے وگرنہ ایک علیٰحدہ سے سادی کٹنگ والا قمیض نُما لبادہ پہنا جاتا ہے اسے شمیز کہتے ہیں۔ یہ لبادہ خواتین کے جسم کو نہ صرف جھلکنے سے روکتا ہے بلکہ اصل لباس کے رنگوں کو اُجاگر کرنے کے کام بھی آتا ہے۔ اس کے علاوہ جسم کا پسینہ اور نمکیات وغیرہ کو بھی جذب کرکے اصل لباس کو خراب ہونے سے محفوظ رکھتا ہے۔