شیروانی سے ملتا جُلتا، عام زندگی میں پہنا جانے والا خوبصورت لبادہ جو برِصغیر کے باسیوں کی ثقافت کا آئینہ دار ہے۔ اَچکَن کی لمبائی نسبتاً کم ہوتی ہے۔ ڈبل بریسٹ کوٹ کی طرح تیار کی جاتی ہے اور اندرونی دامن کو ایک ہُک کے ذریعے ملایا جاتا ہے پھر بٹنوں کو شیروانی کی طرح لگا کر پہنا جاتا ہے۔ اس میں استعمال ہونے والا کپڑا نفیس ہوتا ہے۔ ہر موسم میں پہنی جاسکتی ہے۔ ماضی میں ہر خاص و عام کا پسندیدہ لباس رہا ہے۔ پچھلی دو دہائیوں سے اس کا استعمال دیکھنے میں نہایت کم ہے اور ممکن ہے آنے والے دور میں قطعی ختم ہوجائے۔