اجرک ایک چادر ہے جس پر خاص انداز سے چھپائی کی جاتی ہے یہ چھپائی عموماً بلاک پرنٹنگ کی ہوتی ہے جو انسانی کاری گری کا شاہکار ہے۔ سندھ کی ثقافتی تہذیب میں اجرک کا نمایاں کردار ہے۔ اجرک ایسی چادر ہے جس کی زمین گہری نیلی ہوتی ہے اور سرخ رنگ کے پھول وغیرہ چَھپے ہوتے ہیں۔ تحفہ تحائف دینے کے لیے بھی اجرک کو استعمال کیا جاتا ہے سندھ کے لوگ جب کسی کو عزت دیتے ہیں تو اسے اَجرک تحفہ میں دے کر اپنی دوستی اور دلی جذبات کا اظہار کرتے ہیں۔ یہ رسم ان کے ہاں صدیوں سے رائج ہے۔