یہ جنوبی ایشیأ کا ایک زمیندار قبیلہ ہے۔ نسلی اعتبار سے یہ عرب علاقوں سے تعلق رکھتے ہیں۔ یہ پنجاب کے شمالی، مرکزی اور مغربی حصوں میں رہائش پذیر ہیں۔ اعوان/علوی کا دعویٰ ہے کہ وہ حضرت علی رضی اللہ تعالیٰ عنہ کی غیر فاطمی اولاد ہیں۔ (ان کی کثرت شیعہ نظریات کے برعکس حنفی ( سُنّی ) عقائد پر مشتمل ہے) چنانچہ ان کی اکثریت’’ علوی‘‘ کہلاتی ہے۔ خصوصاً وہ اعوان جو مشرقی پنجاب سے ہجرت کرکے پاکستان آئے ، وہ یہ خطاب/لقب استعمال کرتے ہیں۔ جبکہ وہ تمام افراد جو اپنے آپ کو علوی کہتے ہیں بنیادی طور پر’’ اعوان‘‘ کہلاتے ہیں۔