Description
تفصیل
مرہٹہ’’ راجپوت‘‘ نسل کی ایک شاخ ہے۔ راجپوت نسل میں ان کی معاشرت اور بول چال قطعی مختلف ہے۔ زبان بھی مراٹھی/مرہٹی کہلاتی ہے۔ اسی طرح ان کے بعض رسم ورواج بھی راجپوتوں کی عام نسلوں سے ذرا مختلف ہیں۔ شیواجی مہاراج کی شخصیت ان کے لئے ایک اوتار کا درجہ رکھتی ہے۔ ان کے دور سے قبل تاریخ میں مرہٹوں کا ذکر نہیں ملتا۔ البتہ شیواجی کے قریباً اسّی برس بعد تاریخ کے صفحات پر کئی مرہٹے منظر عام پر نظر آتے ہیں جن میں ’’بالاجی ‘‘، ’’باجی راؤ‘‘ اور’’ آپاجی‘‘ خاصے مشہور گزرے ہیں مگر پانی پت کی تیسری لڑائی میں احمد شاہ ابدالی نے اس طبقہ کی کمر توڑ کر رکھ دی۔ پھر تاریخ میں ’’سندھیا ‘‘کا کردار سامنے آتا ہے جس نے کافی عرصہ تک ہندُستان کی سیاست میں اُتار چڑھاؤ پیدا کئے۔ اس کا خاتمہ انگریزوں نے کیا۔ ہندُستان میں مرہٹے آج بھی کروڑوں کی تعداد میں پائے جاتے ہیں اور عہدِ رفتہ کے اثرات آج بھی ہندُستان کی تہذیب پر نمایاں ہیں۔