English NameMillet

Seasonموسمِ سرما

Pluralباجرا / باجرے / باجروں

Photograph

No name in Urduجاوَرس / باجرکا

باجرا انتہائی چھوٹے دانوں کی انواع میں سے ایک ہے جس کی کاشت تقریباً پوری دنیا میں کی جاتی ہے اور یہ انسانی غذا اور جانوروں کے چارے کے طور پر بھی استعمال کیا جاتا ہے۔ باجرا ایک بہت ہی چھوٹی جسامت کا مخروطی دانہ ہے جس کا رنگ سفید، خاکی، سُرخ یا زرد ہوتا ہے۔ باجرے سے ایک مخصوص ڈِش کوسکس (Couscus) بھی تیار کی جاتی ہے۔ باجرے کا اصل وطن شمالی افریقہ کا علاقہ ایتھوپیا ہے۔ برّاعظم افریقہ کے اہم غلّوں میں باجرے کو نمایاں مقام حاصل ہے کیوں کہ وہاں یہ مختلف شکلوں میں بطورِ غذا استعمال کیا جاتا ہے۔اکثر کچھ خاص مواقع پر افریقہ میں باجرے کی ایک روایتی روٹی بھی تیار کی جاتی ہے جس کا نام اِنجِرا (Ingera)ہے۔ قدیم زمانے سے یہ ایشیا اور خاص طور پر بھارت میں بھی کثیرالاستعمال ہے۔ برصغیر ہند و پاک میں بھی باجرے کا استعمال بطورِ غذا کیا جاتا ہے اور زیادہ تر موسمِ سرما میں اس کی روٹی تیار کی جاتی ہے، علاوہ ازیں پاکستان اور ہندُستان کے علاقوں میں باجرے کی کھچڑی اور باجرے کی مٹھائی (ملیدہ) یا حلوہ بھی مشہور ہے۔

Android app on Google Play
iOS app on iTunes
googleplus  twitter