English NameNorth America

شمالی امریکہ 9,540,000 مربع میل پر مشتمل ایک جزیرہ نما ہے جو رقبے میں برِ اعظم یورپ سے بڑا ہے۔ یہ بے قاعدہ طور پر پھیلا ہوا قطب شمالی کا بہت سرد علاقہ ہے جو نمایاں ساحلی جزیروں پر مشتمل ہے جس میں دنیا کا سب سے بڑا جزیرہ "گرین لینڈ" بھی شامل ہے۔ شمالی امریکہ کا بلند ترین مقام ماؤنٹ میکنلے (امریکہ) سطحِ سمندر سے 30,320 فِٹ بلند اور انتہائی پست مقام "وادئ موت" (کیلیفورنیا) سطحِ سمندر سے 282 فِٹ نیچے ہے۔ اس جزیرے کو پانچ جغرافیائی علاقوں میں تقسیم کیا گیا ہے۔ ایک وقت تھا جب شمالی امریکی باشندے جو جنگلی زندگی گزارتے تھے یہاں بڑی تعداد میں موجود تھے لیکن اس کے بعد اُن لوگوں نے ہجرت کرنا شروع کی نتیجتاً ان کی تعداد کم ہونا شروع ہوگئی۔ اس علاقے میں بڑی تعداد میں ممالیہ جانور پائے جاتے ہیں جن میں ریچھ کی کئی اقسام ، امریکی بھینس، بڑے سینگوں والی بھیڑ‘ ہرن، عجیب الخلقت جانور گِلا (Gila) اور بارہ سنگھے وغیرہ شامل ہیں۔ اس کے علاوہ امریکہ اور میکسیکو کے جنوب مغرب اور شمالی امریکہ کے ساحلی علاقوں میں چھوٹی اور زہریلی چھپکلیوں کے ساتھ ساتھ پرندوں کی بھی سات ہزار سے زائد اقسام پائی جاتی ہیں۔ شمالی امریکہ میں لوہا، تانبا، نِکِل، یورینیم، کوئلہ اور دوسری اہم دھاتیں پائی جاتی ہیں جبکہ میکیسکو میں پٹرولیم اور گیس کے بڑے ذخائر بھی پائے جاتے ہیں۔

Android app on Google Play
iOS app on iTunes
googleplus  twitter