Description
تفصیل
لُو کی کوئی مخصوص تعریف نہیں ہے جو واوین میں بیان کی جاسکے۔ جب موسم کی حرارت کا عرصہ طویل ہو جائے اور رطوبت بڑھ جائے تو یہ کیفیت ’’لُو‘‘ کہلاتی ہے۔ اس کا عرصہ ایک دن سے کئی دنوں یا ہفتوں تک ہو سکتا ہے۔ یہ اصطلاح قرب و جوار کے موسم سے تعلق رکھتی ہے یعنی گرم علاقوں کے لوگوں کے لئے کوئی درجۂ حرارت جو، اِن کے معمولات سے الگ ہو اس تعریف میں آسکتا ہے۔ یہ اصطلاح عام معمولات میں درجۂ حرارت کے اُتار چڑھاؤ یا غیر معمولی درجۂ حرارت جو سال میں ایک ہی مرتبہ ہو کے لئے بھی استعمال ہوتی ہے۔ شدید لُو سے فصلوں کو نقصان پہنچ سکتا ہے۔ ہزاروں اموات صرف اس وجہ سے واقع ہوسکتی ہیں کہ ایئرکنڈیشنگ پلانٹس کا بے تحاشہ استعمال کیا گیا ہو۔ ریگستانی، نیم ریگستانی اور سمندری علاقوں میں لُو کے اثرات زیادہ پائے جاتے ہیں۔
موسمِ گرما میں جن علاقوں میں ہوا کا دباؤ بہت زیادہ ہو اور بارش نہ ہوئی ہو، ان مقامات پر زمین کی حدّت میں اضافہ ہوجاتا ہے۔
ریگستانی علاقوں میں چونکہ بہت کم ہی موسم اَبر آلُود ہوتا ہے اس لئے یہاں لُو کے زیادہ امکانات ہوتے ہیں۔
گرم ریگستانی علاقوں سے خشک ہوائیں عموماً ٹھنڈے علاقوں کی طرف چلتی ہیں ،بعض اوقات ایسے علاقے بھی ہواؤں کو سرد کر سکتے ہیں۔ گرم ہوائیں جب پانی کی سطح پر سے گزرتی ہیں تو اپنے ساتھ آبی بخارات شامل کر لیتی ہیں جس کی وجہ سے درجۂ حرارت میں کمی واقع ہو جاتی ہے لیکن رطوبت بہت بڑھ جاتی ہے۔
