Description
تفصیل
(اُردو:کھوکھر) ، دراصل یہ پاکستان کے خطہ کے باشندے ہیں جن کی کچھ شاخیں ہندُستان میں بھی پائی جاتی ہیں۔ ایچ۔ اے۔ روز (H.A. Rose)کے مطابق یہ نسلِ راجپوت ہے۔ جاٹ، آرائیں، نائی اور چُوڑھا اسی قوم میں پائے جاتے ہیں۔ سرڈینزل ایبٹسن (Sir Denzil Ibbetson) کے مطابق یہ بھی گوتروں کی نسلیں ہیں جو ترکھان اور کھتری قبائل ہیں۔ جہاں تک مذہب کا تعلق ہے ان میں ہندو، مسلم، سکھ اور عیسائی اور شاید دیگر کسی اور مکتبِ فکر کے افراد پائے جاتے ہیں۔ بہت سارے’’ مسلم کمیونٹی‘‘ میں شامل کھوکھر ’’قطب شاہی کھوکھر‘‘ کہلاتے ہیں۔ یہ دعویٰ کرتے ہیں کہ ان کا تعلق اُس نسل سے ہے جو قطب شاہ کی بابت مشہور ہے کہ وہ غزنی (افغانستان) کے راستے آئے تھے اور محمود غزنوی کے زمانے میں ہی اس خطہ میں آباد ہوگئے تھے۔
